فرانس اور کروشیا کے درمیان لڑاکا طیاروں کا معاہدہ

فرانس نے کروشیا کے ساتھ رافیل طیاروں کے معاہدے کو حتمی شکل دے دی۔ معاہدے کے ذریعے کروشیا فرانس سے 90 کروڑ یورو کے عوض 12 رافیل لڑاکا طیارے خریدے گا۔ اس معاہدے پر فرانسیسی مسلح فوج کی وزیر فلورینس پارلی نے اپنے کروشین ہم منصب کے ہمراہ دستخط کئے۔ اس موقع پر فرانسیسی صدر عمانویل ماکروں اور کروشیا کے وزیراعظم آندریج پلنکووچ بھی موجود تھے۔ واضح رہے کہ کروشیا 2009ء میں مغربی دفاعی اتحاد نیٹو کا حصہ بنا تھا، جب کہ 2013ء میں اسے یورپی یونین کی رکنیت ملی تھی۔