پاک بحریہ کے سربراہ سے سینٹرل ملٹری کمیشن چین کے  وائس چیئرمین کی ملاقات

پاک بحریہ کے سربراہ ایڈمرل ظفر محمود عباسی سے نیول ہیڈ کوارٹرز میں سینٹرل ملٹری کمیشن چین کے وائس چیئرمین جنرل چانگ یوشا نے ملاقات کی۔ نیول ہیڈ کوارٹر میں ہونے والی ملاقات کے لئے جب معزز مہمان کی آمد ہوئی تو چاق و چوبند دستے نے انہیں سلامی پیش کی۔ ترجمان پاک بحریہ کے مطابق ملاقات کے دوران باہمی دلچسپی کے اْمور بشمول ون بیلٹ، ون روڈ کے اہم منصوبے سی پیک پر بھی تبادلہ خیال کیا گیا۔ ملاقات کے دوران ایڈمرل ظفر محمود عباسی نے دونوں ممالک کی مسلح افواج کے قریبی اور مضبوط تعلقات کا خصوصیت کے ساتھ ذکر کیا۔ سینٹرل ملٹری کمیشن چین کے وائس چیئرمین نے پاکستان کو چین کے ہر مشکل دور کا دوست ملک قرار دیا ہے۔ ملاقات کے دوران سی پیک کی کامیابی کو خطے کی اقتصادی ترقی و کامیابی قرار دی گئی۔