غزلیں

پانی

کتنا نایاب ہوگیا پانی
اب تو اک خواب ہوگیا پانی

خشک سالی ہے ہر اِک دریا میں
کہاں غرقاب ہوگیا پانی

ہاں ہزاروں میں دستیاب تو ہے
مفت نایاب ہوگیا پانی

اک طرف بجلی نے کیا بے حال
دوجا عذاب بن گیا پانی

لوگ ڈھونڈتے ہیں مارے مارے
گویا سُرخاب ہوگیا پانی

اپنے اعمال بھی تو ایسے تھے
تب ہی تو خواب ہوگیا پانی

سونا چاندی ڈیزل پیٹرول کے بعد
اک سراب بن گیا پانی

انساں انساں کو پیاسا مارتا ہے
حیاتِ آب ہوگیا پانی

پانیوں پر لڑائی ہوتی ہے
کتنا خوناب ہوگیا پانی

جب میسر تھا قدر نہ کی ندیمؔ
روٹھا احباب ہوگیا پانی

——————–
ندیمؔ قادری
——————–

آزاد تکلّم

شام ڈھلے تم آجانا، مجھے ایک غزل لکھنی ہے
شبنم سے دُھلی گلاب ہو تم، دراصل حسن کا سیلاب ہو تم
اسی سیلاب میں بہہ کر، تیرے حسین چہرے پر
مجھے ایک غزل لکھنی ہے
بدمست ہوا کے جھونکے میں، تیری زلف سیاہ لہراتی ہے
جس طرح کوئی ناگن جنگل میں، لہراتی ہے بل کھاتی ہے
اب تیری گھینری زلفوں پر، مجھے ایک غزل لکھنی ہے
ہیں ہونٹ تمہارے یاقوتی، مخمور تمہاری آنکھیں ہیں
ماتھے پہ مچلتے ہیں تارے، مرمر سے تراشی بانہیں ہیں
بانہوں میں سمٹ کر جانِ جہاں، مجھے ایک غزل لکھنی ہے
تیرا چہرہ جیسے کھلتا کنول، اور صابرؔ کی تو جانِ غزل
تو چاند بھی ہے آفتاب بھی ہے، بے مثل بھی ہے لاجواب بھی ہے
قدرت کے اسی شاہکار پر، مجھے ایک غزل لکھنی ہے
——————-
صابر حسین صابرؔ

——————-