معترف صبر کا کب تک نہ زمانہ ہوگا
زخمِ احساس مگر سب سے چھپانا ہوگا
ہم نے تو اپنی محبت کو چھپایا ہی نہیں
معتبر کیسے نہ اب اپنا زمانہ ہوگا
شامِ تنہائی اگر اپنا مقدر ہے تو پھر
کچھ چراغوں کو دریچوں پہ سجانا ہوگا
گردشِ دوراں سے آزاد ہوا تو پھر سوچا
اب زمانے سے بہت دور ٹھکانہ ہوگا
اُن کے اندازِ تکلم کو سمجھنے والا
اُن کی محفل میں بھلا کب کوئی دانہ ہوگا
ساری دنیا کے نسب نامے ذرا دیکھو تو
معتبر نام سے میرا ہی گھرانہ ہوگا
کربِ احساس کو نہ دل پہ لگاؤ اے رضیؔ
سب سے اچھا یہی جینے کا بہانہ ہوگا
————————-
رضیؔ عظیم آبادی
————————-
