ماں
کون دیتا دُعائیں ماں کے بعد
رُک گئیں عطائیں ماں کے بعد
ہر طرف سے عداوتیں ہی ملیں
جس سے بھی کی وفائیں ماں کے بعد
اک شجر سایہ دار تھا نہ رہا
ہر طرف ہیں بلائیں ماں کے بعد
زیست سنسان ہوگئی اپنی
بڑھ گئیں دوائیں ماں کے بعد
رات دن سکون کو ترسے
یاد آئیں خطائیں ماں کے بعد
مدتوں سے اسی سوچ میں گم ہوں
ماں کو کیسے بھلائیں ماں کے بعد
کوئی بھی اُس کی جگہ لے نہیں سکتا
گھر کرے سائیں سائیں ماں کے بعد
کہتے پھرتے ہیں اب اغیار سے ہم
دیجئے مجھ کو دعائیں ماں کے بعد
کہنے کو رشتہ دار کتنے تھے
سب ہوئے دائیں بائیں ماں کے بعد
——————
ندیمؔ قادری
——————
سالِ نو
گز شتہ سالوں کی تلخ یادیں
وہ تلخ لمحے ، وہ تلخ موسم
وہ سارے رشتے
کہ جن کے بند ھن میں، میں جڑا تھا
وہ ساری قسمیں ، وہ سارے وعدے
کہ جن کی محور تھی ذات میری
نبا ہنے تھے،
دسمبر آ کے گزر گیا ہے
کہ سالِ نو کے اداس در پر
کھڑا ہوا ہوں، یہ سوچتا ہوں
یہ سال بھی کیا؟
گئی رْتوں کی مناسبت سے اداس ہوگا
کیا میرا پیکر غموں کا پیکر بنا رہے گا
یہ سالِ نو کی نوید آمد
ہزاروں دھڑکن کو روشنی دے
اداس دل کویہ نغمگی دے
وفا کے پھولوں کو تازگی دے
مگر کچھ ایسے بھی چارہ گرہیں
جنہیں یہ سالِ نوی کی آمد
وہ ر’ت کہ جس کو بھلا دیا ہو
چراغ یا دوں کے وہ جلائے
وہ زخم سارے جو بھر چکے ہیں
انہیں کوئی پھر ہرا نہ کر دے
چلو! کہ عہدِ وفا کریں ہم
گزشتہ یادوں کے تلخ لمحوں
کو دل سے باہر نکال پھینکیں
کسی کے حق میں ضرر کے حامل
تھی ذات اپنی
نہ کوئی ایسا قدم اٹھا ئیں
کسی کو کوئی ضرر نہ دیں ہم
گناہ سرزد نہیں ہو کوئی
سبھی کے دل پہ ہو حکمرانی
تمام رشتے نئے سرے سے
جڑیں تو پھر نہ یہ ٹوٹ پائیں
کہ سالِ نو کا یہی تقاضہ
یہی تقاضہ، یہی تقاضہ
——————
محمد علی سوزؔ
——————
