گھبرا کے ہم جو صحنِ گلستاں میں آگئے
آخر نگاہِ گردشِ دوراں میں آگئے
گمگشتی فکر کا انجام دیکھئے
صحرا میں بہار کے ارماں میں آگئے
کب تک ہو بند کمروں کا ہر فیصلہ قبول
سہمے ہوئے حریف بھی میداں میں آگئے
ٹوٹا طلسم خواب سحر تو نکل کے ہم
صبحِ طرب سے شامِ غریباں میں آگئے
ہم نے تو اُن پہ ڈال دی اک پیار کی نگاہ
وہ مسکرا کے بارگہہ جاں میں آگئے
پیمانِ دوستی رہا قائم تمام عمر
ہم جانے کیسے حلقۂ پیکاں میں آگئے
کل جو رضیؔ تھے جشنِ بہاراں کئے ہوئے
وہ لوگ بھی تو گردشِ دوراں میں آگئے
رضیؔ عظیم آبادی
