بغیر میک اپ خوبصورتی کا مقابلہ جیتنے والی پہلی خاتون کون؟

مس انگلینڈ مقابلے کی تاریخ میں پہلی مرتبہ ایک ماڈل بغیر میک اپ کئے سیمی فائنل جیت کر فائنل میں پہنچ گئی۔ 20 سالہ میلیسا راؤف مس انگلینڈ کے فائنل مقابلے کے لئے کوالیفائی کرچکی ہیں اور اب وہ اکتوبر میں ہونے والے فائنل میں مس انگلینڈ کے تاج کے لئے مقابلہ کریں گی، تاہم یہاں دلچسپ بات یہ ہے کہ جہاں دیگر ماڈلز نے بھرپور میک اپ کرکے سیمی فائنل تک رسائی حاصل کی وہیں کالج کی طلبہ میلیسا نے اپنی قدرتی خوبصورتی کو ترجیح دیتے ہوئے بغیر کسی میک اپ کے ہی سیمی فائنل جیت کر فائنل راؤنڈ تک رسائی حاصل کرلی۔ اس منفرد انداز میں خوبصورتی کا مقابلہ اپنے نام کرنے والی میلیسا راؤف کا کہنا ہے کہ یہ بات میرے لئے بہت اہمیت رکھتی تھی کیونکہ مجھے لگتا ہے کہ مختلف عمر کی لڑکیاں صرف اس لئے میک اپ کرتی ہیں کہ وہ ایسا کرنے کے لئے دباؤ محسوس کرتی ہیں اور اپنی کمی کو میک اوور کے ذریعے چھپاتی ہیں۔ اگر کوئی اپنی جلد کے ساتھ ہی خوش ہے تو اسے اپنا چہرا میک اپ سے ڈھکنے کی کوئی ضرورت نہیں ہے، ہماری کمیاں ہی ہمیں دوسرے تمام لوگوں سے منفرد بناتی ہیں، تاہم حال ہی میں انہیں احساس ہوا کہ وہ اپنی جلد کے ساتھ ہی خوبصورت ہیں اس لئے انہوں نے فیصلہ کیا کہ وہ اس مقابلے میں بغیر میک اپ کے بغیر ہی حصہ لیں گی۔ جنوبی لندن سے تعلق رکھنے والی میلیسا راؤف میک اپ کئے بغیر ہی مس انگلینڈ کے فائنل مقابلے کے لئے کوالیفائی کرچکی ہیں اور اب وہ اکتوبر میں ہونے والے فائنل میں ”مس انگلینڈ“ کے تاج کو اپنے نام کرنے کے لئے پُرامید ہیں۔